Teater laic a Vuorz
Engaschi a favur dalla cultura populara
L’Uniun da teater Vuorz ei vegnida fundada igl onn 1995. Tochen lu sepresentavan a Vuorz ils chors (chor viril e chor mischedau) sin la tribuna da teater. Tgi ch’era buc gest in amitg dil cant e leva buc per tut prezi ir a cantar perquei ch’el vess forsa fatg bugen teater, haveva si Vuorz pia negina pusseivladad da far teater. Quei ha ina gruppa da giuvens vuliu midar e fundau l’Uniun da teater Vuorz. La finamira dall’uniun ei stada da sepresentar ca. ina ga ad onn cun in ni cun plirs tocs cuorts silla tribuna.
Gia il onn suandont eis ella sepresentada alla publicitad cun "Igl uors" dad Anton Tschechow, "Ils artavels da signur Gion" da Pierre D'Antan e "Tuttina il falliu" dad Ueli Hafner. Igl onn 1997 han las teatristas ed ils teatrists da Vuorz giugau "Vendetga" da
Curt Goetz e "Qual ei gl'endischavel?" da John B. Priestley. Igl onn sissu ei l'uniun sepresentada alla Biennala Bellinzona cun “Helvezia e Retus” da Manfred Veraguth ed al fesival da teater a Tusaun cun "Igl uors" dad Anton Tschechow. Igl onn 1997 suonda "Pass per pass" da Richard Harris, igl onn 2002 "Il signal" dad Ödön von Horvath e 2002, sco gia menziunau, "Valdei als da Valdei" en ina versiun dramatica d'Andreas Cadonau tenor ina novella da Gian Fontana.
Igl onn 2003 ha giu liug ina presentaziun cun "La gronda gretta da Philipp Hotz" da Max Frisch ed "Ina relaziun quasi aviarta" da Dario Fo/Franca Rame. A caschun da siu giubileum da diesch onns 2005 ha l'uniun organisau in festival, ina scuntrada d`amitgas e d`amitgs, d`acturas e d`acturs dil teater romontsch, igl emprem festival dil teater romontsch. Siat uniuns da teater dil cantun han dau suatientscha agl invit. L`Uniun da teater Vuorz sezza ha dau dus tocs. Entginas acturas ed entgins acturs giuvens ein daventai da nov commembers da l’uniun, aschia ch’ella ei se decidida dad inscenar l’onn 2007 in teater per giuvenils: "La clav 21".
Grazia agl'engaschi dallas commembras e dils commembers dall'uniun e lur plascher da seschluitar en in’autra rolla, viva il teater laic a Vuorz.
Commembers
Vuorz ei in bien terren per la dramaturgia
Sut il tetel "Vuorz č in bun terren per la dramaturgia" scriva La Quotidiana d'ils 13 d'uost 2008 en in articel da Claudia Cadruvi / ANR:
"Gist dus auturs da teaters vegnan da Vuorz: Manfred Veraguth ed Andreas Cadonau.
Veraguth ha scrit radund in tozzel tocs e sketchs curts. Per il festival da teater a Vuorz il 2005 ha el concepė "La platta dil giavel", in toc da 40 minutas.
"A Vuorz hai blers chaus creativs", di Veraguth. "I regia ina buna atmosfera culturala. Blers vulan far insatgeed uschia animesch'ins in l'auter." El haja vesė da pitschen ensi ch'ins haja fatg teater en il vitg - era gronds dramas en il casti. tals eveniments n'emblidian ins mai. E pli tard, sco creschė, hajan ins lura gust da far part da quest mund da teater.
Ord la plima dad Andreas Cadonau vegnan trais tocs. L'emprim č "Valdei als da Valdei" tenor ina novella da Gian Fontana. Il segund toc č "Ventschidas" che Cadonau ha scrit per il festival da teater avant trais onns, ed il terz č "Denter fargliuns" che ha gė premiera questa stad."
