da Jaime Salom

Ina notg digl onn1899 entra il giuven, aunc nunenconuschent Pablo Picasso in etablissement ella disfamada via d`Avignon e supplichescha per cuntentientscha gratuita da ses basegns sexuals. El vegn scatschaus curteseivlamein, denton detschiert dalla mumma dil puff, Madame Hortensia.

Otg onns pli tard s`entaupan las anteriuras conluvreras dil burdel ussa serraus en in café. Ellas contemplan il maletg revoluziunar pil 20 avel tschentaner „Les Demoiselles d’Avignon“ en in`illustrada franzosa. Immediat s`enconuschan ellas sin quel. Il maletg sveglia memorias dil temps cura che Picasso er`entraus l`emprema ga egl etablissment.

En dialogs fetg directs - plein affecziun, detagliai e cun humor vegnan las historias da veta dallas „demoiselles“ ed il mintgadi el burdel raquintai.

Il toc gioga en ina Spagna en revoluziun, scassaus dad attentats e violenza. El ei buc mo in spieghel dalla veta humana, mobein muossa era il svilup dalla societad alla sava ella moderna. Salom ha capiu da schar nescher, muort la vivitad e la lingieradad dils caracters, in maletg unic dallas isonzas da quei temps.

Jaime Salom
Jaime Salom ei naschius a Barcelona, ha studegiau medischina ed ha luvrau sco miedi dad egls. Sper sia lavur ha el denton adina puspei scret teaters. Dapi igl onn 1990 eis el sededicaus cumpleinamein a sia passiun. Ses tocs ein vegni translatai en plirs lungatgs ed ein era vegni duvrai sco ideas per films.

Il toc „Les Demoiselles d’Avignon“ ha retschiert il „Premio de la critica de Madrid“ sco meglier toc teater digl onn 2001 e vegn inscenaus cun success en Spagna ed a Paris.

Teater Vuorz
Antonia: Sandra Dietrich-Caduff
Pepita: Carmen Cadonau
Pilar: Andrea Veraguth de Groot
Rosita: Gianna Pfister
Sofia: Luisa Catrina Cadonau
Mme Hortensia: Romana Brunold-Cadonau
Pablo Picasso: Silvan Brunner

reschia: Annalisa Halter-Gabriel
assistenza da reschia:  Ladina Halter
glisch: Eric de Groot, Sergio Halter
costums: Karin Bohler Cadonau
sminca: Cordelia Cadonau
translaziun: Andrea Veraguth de Groot
grafica: Guido Dietrich

premiera
vendergis, ils 30-10-2009 allas 20.30 uras
ulteriuras producziuns
sonda, ils 31-10-2009 allas 20.30 uras
dumengia, ils 1-11-2009 allas 15.00 uras
mesjamna, ils 4-11-2009 allas 20.30 uras
vendergis, ils 6-11-2009 allas 20.30 uras
sonda, ils 7-11-2009 allas 20.30 uras
en halla polivalenta Vuorz
entrada 15.-


maletgs: Christine Lüthi


anavos: Producziuns

copyright 2008-2010